Në zbatim të nenit 17 të Ligjit Nr. 10091, datë 05.03.2009, “Për auditimin ligjor, organizimin e profesionit të audituesit ligjor dhe të kontabilistit të miratuar”, i ndryshuar, si dhe në përputhje me Rregulloren Nr. 2, datë 22.02.2018 të Bordit të Mbikëqyrjes Publike (BMP), Shoqata e Kontabilistëve dhe Financiarëve të Shqipërisë (SHKFSH) shpall thirrjen për kandidatë për anëtarë të Komisionit të Provimeve të Aftësive Profesionale (KPAP).
Ftojmë anëtarësinë e SHKFSH që plotësojnë kriteret e mëposhtme të paraqesin kandidaturën e tyre.
1. Kriteret e Aplikimit
- Arsimi
Të kenë përfunduar të paktën ciklin e dytë të studimeve universitare në nivelin Master Shkencor ose tw barasvlefshëm me të).
- Përvoja Profesionale:
- Minimumi 10 vite përvojë profesionale në fusha të lidhura me auditimin, kontabilitetin dhe financën; ose
- Minimumi 7 vite përvojë pune për personat që mbajnë gradë ose titull shkencor (Dr., Prof. Asoc., etj.).
2. Kërkesa të Tjera Ligjore
Kandidatët duhet:
· Të jenë shtetas shqiptarë.
· Të jenë pjesë e Regjistrit Publik të SHKFSH.
· Të mos jenë të dënuar me vendim të formës së prerë nga gjykata.
· Të mos kenë konflikt interesi me anëtarët e BMP-së apo strukturat mbikëqyrëse të komisionit.
· Të mos jenë të angazhuar në role apo funksione politike.
· Të mos jenë pjesë e strukturave drejtuese të më shumë se një prej organeve të parashikuara në ligjin 10091/2009.
3. Kritere Preferenciale
· Përvojë në ligjërime akademike apo trajnime profesionale në fushën e kontabilitetit dhe financës.
· Publikime shkencore ose pjesëmarrje në konferenca kërkimore gjatë 5 viteve të fundit.
4. Dokumentacioni i Kërkuar
Aplikantët duhet të dorëzojnë dosjen e plotë që përmban:
- Kërkesë me shkrim drejtuar SHKFSH dhe KPAP.
- Curriculum Vitae (CV) e detajuar dhe kopje të certifikatave profesionale.
- Kopje e Diplomës Master (dhe titujve shkencorë nëse ka).
- Kopje e dokumentit të identifikimit (ID ose Pasaportë).
- Dëshmi Penaliteti (e vlefshme).
- Formularë Vetëdeklarimi për:
- Mungesën e konfliktit të interesit.
- Mosangazhimin në funksione politike.
- Mosmbajtjen e pozicioneve drejtuese në organe të tjera sipas ligjit.
· Lista e trajnimeve dhe kopje të publikimeve shkencore (nëse disponohen).
5. Afati dhe Mënyra e Dorëzimit
- Afati i fundit: E Mërkurë, 08 prill 2026.
- Vendi: Kërkesa fillestare dërgohet në linkun në vijim dhe dokumentet duhet të dorëzohen dorazi ose me rrugë postare pranë zyrave të SHKFSH në adresën: Bulevardi Bajram Curri, Pallati 171, Shk.1, Ap.5
Aplikimet e mbërritura pas afatit ose të paplota nuk do të merren në konsideratë.
