Me hidhërim të thellë përcjellim lajmin mbi ndarjen nga jeta të Profesoreshë Vjollca KARAPICI (IBRAHIMI). Ngushëllimet e Shoqatës së Kontabilistëve dhe Financierëve të Shqipërisë, për fëmijët, për familjarët, për kolegët e saj të Shoqatës, për profesoratin dhe stafin e Fakultetit të Ekonomisë në Universitetin e Tiranës, për humbjen e njeriut të dashur, të vyer, koleges dhe profesoreshës së respektuar. Antarësia e shoqatës dhe studentët e saj do ta kujtojnë me dashuri dhe mirënjohje Profesoreshë Vjollcën si një nga themelueset e saj, ish zv/Presidente e Shoqatës, profesoreshën e kontabilitetit, të analizës financiare dhe të auditimit, miken e mirë, njeriun me energji pozitive, dhe gjithmonë dashamirëse. Do të na mungosh kolege e respektuar, por na ke lënë pas një emër të mirë, dashamirësinë tënde, solidaritetin tënd, rolin tënd, integritetin, vullnetin dhe mirësinë tënde.

Pushofsh në paqe Profesoreshë Vjollca! 

Lamtumirë Profesoreshë!

Këshilli i Shoqatës së Kontabilistëve dhe Financierëve të Shqipërisë (SHKFSH)